Pages

Ads 468x60px

..

Saturday, September 17, 2016

എന്‍റെ പിഴ



ടതു 'പക്ഷ'ത്തിനായിരുന്നു 
ആദ്യത്തെ  വെട്ട് !
കറുത്ത പനിയായി കടുത്തുവന്നുവത്രേ 
വിറളി പിടിച്ച 'പോളിയോ '.....
പറക്കമുറ്റിയ കുഞ്ഞിന്റെ -
ഒരു ചിറകങ്ങിനെ അറ്റുവീണു...!!
സ്നേഹിച്ചവരെയെല്ലാം 
ഉടപ്പിറന്നോര്‍ക്കായി 
സംപ്രീതിയോടെ 
'കുരുതി' കൊടുത്തു .....
സമയം തെറ്റിയ - 
പെയ്ത്തൊഴുക്കില്‍ 
കുളിര്‍ കോരും കടവിലേക്ക് 
ഒരോട്ടത്തോണി എനിക്കായി
കരം തൊട്ടു ,കരേറാന്‍...!!
വേനല്‍ കിതപ്പിന്‍ മരുച്ചൂടില്‍ 
തളിരിട്ടു വന്ന കിനാക്കള്‍ക്ക്  
കുളിരിട്ട പൊന്നോമലും കരള്‍ 
പറിച്ചെടുത്തു  പറന്നകന്നു -
അങ്ങു ദൂരെ ദൂരെ ....!
നിനക്കാത്ത പ്രവാതത്തിന്‍ -
ദുര്‍ഗതിയിലാ നറു വെട്ടവും 
കരിന്തിരി പുകച്ചു .......!!
പിന്നെയും -
വെട്ടും വെട്ടവും മാറി മാറി വന്ന്  
ജീവിതം വായിച്ചു പഠിച്ചു,ഞാനും !
പടച്ചവന്‍റെ -
നിരീക്ഷണ - പരീക്ഷണങ്ങളെന്നു 
പലരും തലോടിപ്പറഞ്ഞു .
എന്നാലുമെല്ലാമെന്റെ പിഴ -
യെന്നു പറയാനാണ്,എനിക്കിഷ്ടം.
അര്‍ത്ഥന ഒന്നു മാത്രമീ സായംസന്ധ്യയിലും 
പാഴാക്കരുതേ നാഥാ പാരത്രികം ...........
_____________________
17/09/2016 Mohammed kutty, Irimbiliyam.
***************

Google+ Badge

Enter your email address:

Delivered by FeedBurner

Subscribe to ഒരിറ്റ് by Email